MK PARTY IMEMEZELE AMALUNGU AZOYIMELA EKOMITINI LOKUPHENYA UKUXOSHWA KUKARAMAPHOSA
- 8 hours ago
- 1 min read
Isithombe : Polity.org.za
Iqembu loMkhonto Wesizwe seliqoke amagama amathathu ekomitini lokuphenya ukuxoshwa kukaRamaphosa.
Sanele Mendah Zulu
Iqembu uMkhonto weSizwe Party (MKP) selimemezele amagama amalungu amathathu azolimelela ekomitini lePhalamende elizophenya isiphakamiso sokuxoshwa kukaMengameli Cyril Ramaphosa esikhundleni. Ngokwesimemezelo seqembu, i-MKP izomelwa nguDr John Hlophe, iPhini likaMengameli wokuqala weqembu kanye nomholi walo ePhalamende, uChief Whip Mmabatho Mokoena-Zondi, kanye noDr Khanyisile Litchfield-Tshabalala. Ukumiswa kwaleli komiti elinamandla kudingeka amalungu angu-31 kulandela isinqumo seNkantolo yoMthethosisekelo esithi iPhalamende kumele lisungule inqubo yokuphenya ukuze uRamaphosa aphendule ngezinsolo ezihlobene nemali yakwamanye amazwe eyebiwe epulazini lakhe iPhala Phala. Amaqembu ezepolitiki ePhalamende anikezwe isikhathi kuze kube uLwesihlanu ukuthumela amagama amalungu awo kuSomlomo weNational Assembly, uThoko Didiza.
Comments